هام للامهات ، مقارنة بين انواع حفاضات الاطفال .. المميزات ،العيوب،الاسعار

هام للامهات ، مقارنة بين انواع حفاضات الاطفال .. المميزات ،العيوب،الاسعار

اشهر انواع حفاضات الاطفال مقارنة قامت بها احد الامهات حول انواع حفاضات الاطفال هناك العديد من المعلومات عن كل نوع وممزياته وعيوبه البامبرز P... 4:10 ص

اشهر انواع حفاضات الاطفال

مقارنة قامت بها احد الامهات
حول انواع حفاضات الاطفال

هناك العديد من المعلومات عن كل نوع وممزياته وعيوبه



البامبرز
Pampers



بالرغم من ان نظام الحفاضة مريح والملمس قطنى ونظام الغلق كوتشي والجوانب مطاطية بتساعدك على الغلق بسهولة

الا انه بيسبب التهابات بالأضافة انه غاااالى جدا
ورائحته ليست جيدة
تقييمه 7 من 10



بيي فااااين

Baby Fine



بيبى فاين ملمسه مش قطنى ملمس بلاستيكى ونظام الغلق لاصق
بالرغم من انه برده بيستحمل شوية ومبيسربش لكن القطن اللى جواه مع الوقت بيفرول وتلاقى الحفاضة مش ماسكة نفسها وكل جزء من الحفاضة فى اتجاه واتبهدلت
كمان نظام الغلق لاصق وبيكون لاصقه ضعيف بيطلع معاكى من الباكت حفاضات كتيرجدا لازقها بيفك ومبتلزقش ابدا تضطرى تجيبي لزق خارجى تلزقى بيه الحفاضة كمان لما بيطول المدة بيعمل ريحة مش حلوة لكن سعره معقول

تقييمه 6/10



فايني
fainy




فرق كبير بين فاينى وبيبى فاين بالرغم من انهم نفس الشركة الاردنية
فاينى ملمسه قطنى الجوانب مطاطة واللاصق كوتشى والحقيقة جميل جدا بيستحمل ومفيش تسريب كمان مش بيسبب التهابات سعره معقول
تقييمه
9/10


بيبيكو

Bebiko



حفاضة تركى لحديثى الولادة
حفاضة بلاستيكية الملمس ونظام الغلق لازق قوى جدا
سيئة جدا لانها بتسرب بأستمرار كمان اللازق قوى جدا وبالرغم ان الازق الضعيف اللى فى بيبي فاين مش ميزة هنا برده مش ميزة لانها مش بتتفك بسهولة ولو جربتى تفكيها بتتقطع منك وبتبوظ الخلاصة اى حفاضة فيها لازق بلاستيك بيكون رخم جدا
مش فاكرة سعرها - لكن نصيحة بلاش منها
التقييم
3/10


درايبرز
drypers



حفاضة ماليزية
جميلة جدا ملمسها قطنى ومش بتسرب
وكمان سعرها معقول ومش غالى انافاكرة انى اشتريت الباكت 80 حفاضة بي 50 جنيه
بس مشكلتها انها مش موجودة بأستمرار

التقييم
9/10


سلمى
salma


تركـــى


بايللو
bello


تركى
حبيت اتكلم عن سلمى وبايلو مع بعض لسبب بسيط جدا ان الاتنين اسوأ من بعض وبيسربوا
ملمسهم قطنى وسعرهم رخيص
جمعت الاتنين مع بعض لانى مش فاكرة انهو اللى فيهم كانت الجوانب اللى بتتقفل على الكوتش بتتقطع عموما - نصيحة بلاش تجربوهم

التقييم
2/10

ملحوظة
فى نوع تااانى اسمه بايللو وده ايطالى وناس كتير بتشكر فيه لكن مقارنة بى بايللو التركى غالى لكن انا مستعملتهوش

ودى صورته





سليبى
sleepy



تركى
ملمسه قطنى ونظام الغلق كوتشي - حلو ومش بيسرب وسعره معقول
لكن بعد فترة ممكن يفتل ويوبر ويتقل وشكله من بره مش قد كدة

التقييم
8/10


الكوتشي


الكوتشي فيه منه انواع كتير فى السوق واشتريت منه كذا نوع وكلهم مكتوب عليهم كوتشي الاهرام لكن الخلاصة ان فى كوتشي حلو جدا وكوتشي سىء جدا ... انتى وحظك بقى



افضل نوعين على الاطلاق هما


بيبي لوك
papy look


تركى
جميل جدا قطنى والجوانب مطاطة ونظااام الغلق كوتشي بيقعد معاكى مدة طويلة ومش بيسرب ولا بيعمل التهابات
الميزة اللى فيه بقى ريحته ريحته تحفة بجد وجميلة لا تقارن بالبامبرز
انا بجيب الباكت 60 بى 58 جنيه لكن برده بجيب بالعافية لانه صعب الاقيه

التقييم
10/10


انجيلز



تركى
لقيته فى فتح الله وجربته جميل جدا نفس مزايا البيبى لوك لكن مختلف عنه فى نوع الحفاضة نفسها لانها مضغوطة وقيمة ومحترمة لكن بدون رائحة ومبيعملش ريحة اصلا
باكت 44 بى 46 جنيه
10/10


خلاصة التجربة
لو مش عاوزة تستعملى البامبرز يبقى
بيبى لوك او انجيلز بعدهم على طول درايبرز ملقيتهمش يبقى بقى فاينى وبعده سليبي


الموضوع منقول بتصرف
من صوفيا فى منتديات فتكات